D Bayreuther Festspiil oder Richard-Wagner-Festspiil si e Muusigtheaterfestiwal, wo de zää letschte Opere vom Richard Wagner (1813–1883) gwidmet isch. S Festiwal findet sit 1876 mit Underbrüch statt, sit 1951 jeedes Joor. S Festspielhuus isch bsundrigs doo drfür vom Komponist und vom Archidekt Otto Brückwald (1841–1917) konzipiert worde und stoot uf em Grüene Hügel z Bayreuth. D Festspiil gönge im Allgemäine vom 25. Juli bis zum 28. August.
In de letschte Joor si d Festspiil mee in de Noochrichde wäge de Skandääl über d Festspiilläitig as für d Uffüerige.